चितवन महोत्सवमा धादिङको समूह विजयी

धादिङ
चितवन महोत्सवमा आयोजित लोकदोहोरी प्रतियोगीतामा राष्ट्रिय लोक तथा दोहोरी गीत प्रतिष्ठान धादिङको समूह विजयी भएको छ ।

प्रतियोगितामा राष्ट्रिय लोक तथा दोहोरी गीत प्रतिष्ठान धादिङका सदस्य एवं धादिङ खाल्टे निवासी प्रदिप दाहालको समूह विजयी भएको हो । समूहमा विपि अनुरागी, विमला परियार, सोममाया सिके सहभागी हुनुहुन्थ्यो ।

रुपन्देहीको समुहलाई पछि पार्दै राष्ट्रिय लोक तथा दोहोरी गित प्रतिष्ठान धादिङको समुह नगद ३५ हजार सहित पुरस्कृत भएको छ । धादिङका कलाकारहरुले यस अघि पनि थुप्रै प्रतियोगतामा जित हासिल गर्दै आएको राष्ट्रिय लोक तथा दोहोरी गित प्रतिष्ठान धादिङका अध्यक्ष कृष्ण शिशिरले बताउनुभयो ।

चितवनमा भएको प्रतियोगीतामा रुपन्देही जिल्लाको समुह द्धितिय, चितवन ‘ख’को समूह तृतिया र गोरखाकोे समुह सान्त्वना भएका छन् । द्धितीय, तृतीय र सान्वना हुने समूहलाई पनि २५ हजार, १५ हजार र ७ हजार नगद सहित प्रमाणपत्रद्धारा सम्मान गरिएको छ ।