तिजको दिन बैरनीमा भव्य कार्यक्रम, जाने होइन त ?

१४ भदौ, धादिङ– यहि भदौ १९ गते तिजको दिन बैरेनी ९ महेशदोबानमा हुन लागेको “तिज विशेष वृहत साँस्कृतिक कार्यक्रम २०७३” को तयारी तिव्र पारिएको छ ।
कार्यक्रमलाई भव्य रुपमा सफल पार्नका लागि यतिबेला ब्यानर, पोस्टर लगायत रेडियो, अनलाइन तथा सामाजीक संजालमा पनि प्रचार प्रसारको काम तिब्र रुपमा संचालन भइरहेको छ ।

“आउनुहोस् संगै नाचौं, संगै गाऔं, रमाइलो गरौं” भन्ने मिठो नाराको साथमा महेशदोबान ब्याइज क्लबले अम्लेश्वर मन्दिर परिसरमा तिज विशेष वृहत साँस्कृतिक कार्यक्रम गर्न लागेको हो ।

कार्यक्रममा लोकदोहोरी गायक राजु परियार, वन लेग डान्सर निलम ढुङ्गाना, वरिष्ठ लोक गायक रेशम थापा, गायक राम थापा शिशिर, गायिका जमुना आचार्य, हाँस्य कलाकार ए.एस जोडि (खासखुस), पप गायक सविन लामा लगायत ख्याती प्राप्त राष्ट्रिय तथा स्थानिय कलाकारहरुको बेजोड प्रस्तुती रहने महेशदोबान ब्याइज क्लबका विपिन मल्लले बताए ।

पछिल्लो समय स्थानिय धार्मिक, पुरातात्वीक तथा संस्कृति जगेर्ना गर्नमा महेशदोबान ब्याइज क्लब सक्रिय देखिएका छन् । उनिहरुको यो अग्रसरता सराहनीय भएको भन्दै सबैले साथ, सहयोग तथा उत्पे्ररणा दिइरहेका छन् ।