धादिङमा कल्भर्टमा चिप्लेर एक जना बेपत्ता

३१ साउन, धादिङ-धादिङबेशी नजीकै रहेको थोपल खोलामा आएको बाढीमा बगेर आएका दाउरा निकाल्ने क्रममा आज बिहान पशुपती मन्दिर नजिकैको कल्भर्टमा चिप्लेर एकजना वेपत्ता भएका छन् ।

धादिङ जिल्लाको उत्तरी क्षेत्रमा जाने सडक अन्तर्गत थोपल खोलामा निर्माण गरिएको कल्भर्ट नाघेर माथिबाट आएको बाढीले बसेरी–५, निवासी ४५ वर्षीय बमबहादुर कार्कीलाई बगाएको हो । बाढीले बघाएका कार्की बेपत्ता छन् ।

भूकम्पपछि विस्थापितभइ सदरमुकाम आएका कार्की ठेलामा चनाचट्पटे बेच्दै आएका थिए । बिहानैदेखि बाढीले नाघेको कल्भर्टबाट दाउरा निकाल्ने र खोला तर्न नसक्नेहरुलाई खोला तारेर सहयोग गर्दै आएका कार्की बाढीले बगाएर ल्याएको मुढा तान्नेक्रममा चिप्लिएको प्रहरीले जानकारी दिएका छन् । चिप्लेर खोलामा परेका कार्कीको खोजी भइरहेको प्रहरीले जानकारी दिएको छ ।