मलेसियामा ‘हाम्रो प्रतिभा’ साँगितिक धमाका हुने

४ असार, मलेसिया – मलेसियाको केलाङ्गमा ‘हाम्रो प्रतिभा साँगितिक धमाका २०१६’ हुने भएको छ ।

जुलाइ ६ मा सो साँगितिक कार्यक्रम हुने भएको हो । केलाङ्गको सेन्ट्रोमा हुने धमाकामा चर्चित गायक राजेश पायल राइ सहभागी हुने भएका छन् । राईका साथमा लोक दोहरी गायिका पुर्णकला विसी, नायिका सगुन शाही र मोडल शिवम पोखरेल पनि मलेसिया आउने भएका हुन् ।

‘हाम्रो प्रतिभा साँगितिक समुहले पहिलो पटक आयोजना गरेको सो साँगितिक कार्यक्रममा मलेसियामा नै रहेका गायक अमर राइ, रमेश बानिया, मनिपाल राइ, विनोद राई,सुमन शर्मा लोक दोहरी गायकहरु संन्जय परियार र हरि विशी स्टेज उत्रिन लागेका हुन् । सो धमाकामा मलेसियन नेपाली डान्स स्टार सुमित स्याङ्गतान र विशाल नेगीले आफ्नो कला देखाउन लागेको आयोजकका उमेश पुर्वेलीले जनकारी दिए ।

राष्ट्रिय चर्चित र प्रवासी कलाकारको प्रस्तुतीलाइ दर्शकले हेर्न सक्ने अर्का आयोजकका राघव आचार्यले बताए । कार्यक्रमका लागी सवै तयारी थालीएको आर्चायले जानकारी दिए ।