आइपिएलमा पुने सुपरजाइन्ट्सकाे तेस्रो जित

२४ बैशाख-इण्डियन प्रिमियर लिग आइपिएल क्रिकेट अन्तर्गत गएराति भएको खेलमा राइजिङ पुने सुपरजाइन्ट्स विजयी भएको छ ।दिल्लीमा भएको खेलमा राइजिङ पुने सुपरजाइन्ट्सले दिल्ली डेयर डेभिल्स्लाई सात विकेटले हराएको हो ।

दिल्ली डेयर डेभिल्स्ले दिएको १६३ रनको लक्ष्य राइजिङ पुने सुपरजाइन्ट्सले ५ बल बाँकी छदै मात्र तीन विकेटको क्षतिमा भेट्टायो ।पुनेका लागि अजिन्का रहानेले सर्वाधिक ६३ रनको नटआउट पारि खेले ।

यस्तै उसमान खवाजले २७ बलमा ३० रन तथा कप्तान महेन्द्र सिंह धोनीले २७ रनको योगदान दिए । यस अघि पहिले व्याटिङ गरेको दिल्लीले पुरै २० ओभरमा ७ विकेटको क्षतिमा १६२ रन बनायो । जारी लिगमा दिल्लीले ८ खेल खेलेकोमा ५ मा जित र ३ मा हार व्यहोरेको छ । दिल्ली १० अंक सहित तालिकाको तेस्रो स्थानमा छ । यस्तै ९ खेलमा ३ मा मात्र जित निकालेको पुनेको ६ अंक छ । पुने तालिकाको छैठौँ स्थानमा छ ।