Pabil News
२३ बैशाख धादिङ- वैदेशिक रोजगारको लागि इराक पठाउन लागिएका धादिङ छत्रेदेउरालीकी एक युवतीलाई प्रहरीले विराटनगरबाट उद्धार गरेको छ । काठमाडौँबाट बुद्ध एयरको विमानबाट मङ्गलबार विराटनगर गएकी धादिङ छत्रेदेउरालीकी ती महिलालाई सोधपुछ गर्दा दिल्लीको बाटो भएर इराक जाने जानकारी प्राप्त भएको थियो ।
दलालको विश्वासमा परेर धेरै पैसा कमाउनको लागी ईराक जान लागेकी ती महिलालाई प्रहरीले शंका लागेर सोधपुछ गर्दा उक्त तथ्य सार्वजनिक भएको हो । यसैगरी सिन्धुपाल्चोकको फुल्पिङकोट–८ की शुभलक्ष्मी तामाङलाई पनि प्रहरीले उद्धार गरेको छ । ती दुई महिलाको अभिभावकलाई प्रहरीले बोलाई जिम्मा लगाएर घरतर्फ पठाइएको छ । रासस
About The Author
