Pabil News१६ बैशाख, धादिङ– जन्मदीनको पार्टी खान गएका नुवाकोट काहुलेका मेघबहादुर तामाङको मृत्यु भएको छ । पार्टी खाएका अन्य ४९ जना विरामी परेका छन् ।
काहुले६ का सन्तबहादुर तामाङका छोराको जन्मदिनको भोज खाएका काहुले–८ का ३० वर्षका मेघबहादुर तामाङको उपचारको क्रममा ज्यान गएको जिल्ला प्रहरी कार्यलय नुवाकोटले जनाएको छ ।
मंगलबार बेलुका भोज खाएका बुधबार बिहानदेखि बिरामी पर्न थालेका हुन् । विरामी परेकाहरु मध्ये त्रिशुली अस्पतालमा ३८ र नुवाकोटको सिटी अस्पतालमा ११ जनाको उपचार भईरहको छ । भोजमा दालभात तरकारी, कुखुरा र राँगोको मासु तथा रक्सी खाएका थिए ।
प्रहरीले भोजमा प्रयोग भएका खानाका परिकार प्रहरीले परीक्षणका लागि सदरमुकाम ल्याएको छ ।
About The Author
