लिसेस्टर सिटीको शानदार जित

१३ बैशाख, धादिङ – इंग्लिस प्रिमियर लिगको शीर्ष स्थानको लिसेस्टर सिटीले फेरि ८ अंकको अग्रता कायम गरेको छ ।

आइतबार राति भएको खेलमा स्वान्सी सिटीलाई ४–० ले हराएर लिसेस्टरले दोस्रो स्थानको टोटनह्यामसँगको अंक दूरी फेरि ८ बनाएको हो । १० औं मिनेटमा रियाद महरेजले गोल गर्दै लिसेस्टरलाई सुरुवाती अग्रता दिलाए ।

३० औं मिनेटमा ड्यानी ड्रि«ङकवाटरको फ्रि किकको बललाई लियोनार्डो युलोएले हेडमार्फत गोलमा परिणत गरेपछि पहिलो हाफमा लिसेस्टरले २–० को अग्रता लियो । ६० औं मिनेटमा युलोएले व्यक्तिगत दोस्रो तथा ८५ औं मिनेटमा मार्क अलब्रिङटनले गोल गरेपछि लिसेस्टर ४–० ले विजयी भयो ।

जितपछि लिगका तीन खेल बाँकी हुँदा लिसेस्टरको ७६ अंक भएको छ । एक खेल कम खेलेको टोटनह्यामको ६८ अंक छ । ३५ खेलबाट ४० अंक जोडेको स्वान्सी १५ औं स्थानमा छ ।