नृत्यमा अब्बल धादिङकी ६ वर्षीय दिक्षा ठकुरी (भिडियो सहित)

सरिता श्रेष्ठ / २८ फागुन, धादिङ – कम्मर माथि पटुकी पटुकी माथि घैला….. ६ वर्षीय बालिकाले चलचित्र नाइ न भन्नु ल ३ मा समावेश गरिएको यो गीतमा नृत्य गरिरहँदा स्टेज वरिपरि भीड देखिने गर्दछ । गीतमा भनिएजस्तै कम्मर मर्काइ मर्काइ नाचेको देख्दा दर्शकहरु पनि अच्चमित हुने गर्दछ ।

उनै हुन् दिक्षा ठकुरी । उनी ६ वर्षकी भइन् । बुबा भेषराज ठकुरी र आमा कृपा ठकुरीको कोखबाट धादिङको नीलकण्ठ नगरपालिका ६ सुनौलाबजारमा जन्मिएकी उनी अहिले सदरमुकाम धादिङबेसीमा नै बस्छिन् ।

सानैदेखि मिलनसार, चञ्चल स्वाभावको उनी नृत्यमा औधी रुचि राख्छिन् । ३ वर्षदेखि नृत्य गर्न थालेकि उनी अहिले विद्यालयमा हुने हरेक साँस्कृतिक कार्यक्रममा नृत्य गरेर सबैलाई चकित पाछिन् ।
उनी धादिङबेसीमा रहेको चिल्ड्रेनपार्क आवसीय उमाविमा यु केजीमा पढ्छिन् । उनलाई नृत्य गराउनका लागि उनका आमा बुबा तथा विद्यालयका शिक्षकहरुले पनि सघाउने गरेको छ ।

धादिङ जिल्लामा हुने विभिन्न साँस्कृतिक कार्यक्रममा उनको सहभागीतामा अमूल्य हुन्छ । नृत्यमा अरुको भन्दा भिन्नै प्रस्तृती दिनमा उनी खप्पिस छिन् । अहिले स्टेप अफ डान्स एकेडेमीमा नृत्य सिकिरहेकी छिन् । पढाई सँगै नृत्यमा लागेकि उनी भविष्यमा यसै क्षेत्रमा लाग्ने बताउँछिन् ।

हिजो राती तिमीलाई देखे सपनीमा