पाँचौ राष्ट्रपति रनिङ शिल्ड प्रतियोगिता आजबाट धादिङमा सुरु, (फोटो फिचर सहित)

२८ माघ, धादिङबेशी– पाँचौ राष्ट्रपति रनिङ शिल्ड प्रतियोगिता आज धादिङबेसीमा सुरु भएको छ । स्वास्थ्यका लागि खेलकुद, राष्ट्रको लागि खेलकुद भन्ने नाराको साथ आजबाट सुरु भएको प्रतियोगिता शुक्रबार सम्म सन्चालन हुने आयोजक जिल्ल खेलकुद विकास समिति धादिङले जनाएको छ ।

हिजोबाट खेल सुरु गर्ने भनिएपनि सार्वजनिक विदाको कारण खेल आजबाट सुरु गरीएको हो । जिल्ला खेलकुद विकास समिति धादिङ र चिल्ड्रेनपार्क उमाविको संयुक्त आयोजनामा आजबाट सुरु भएको प्रतियोगिताामा ६३ ओटा विद्यालयको सहभागीता रहेको छ ।

प्रतियोगितामा दौड,ज्याबलीङ थ्रो, एथ्लेटिक्स लङ जम्प, भलिबल लगायतको प्रतियोगिता हुने छ । क्ष्अन्तर माध्यमिक जिल्ला स्तरीय प्रतियोगितामा प्रथम, द्धितिय र तृतीय हुने विद्यालयलाई शिल्ड,मेडल र प्रमाणपत्रबाट पुरस्कृत गरीने छ ।

आज बिहान भएको १५ सय मिटर दौड प्रतियोगीतामा केटा तर्फ रानी पौवा उमाविका प्रकाश भट्ट प्रथम, लामागुरु माविका विनोद गुरुङ द्धितिय र सत्यवती उमाविका प्रमोद ग्यामी मगर तृतीय भएका छन् । यसैगरी आजै भएको केटी तर्फको १५ सय मिटर दौडमा बद्री विशाल उमाविकी सुस्मीता ढकाल प्रथम, बद्री विशाल उमाविकै रेखा रेग्मी द्धितीय र सल्यानटार उमाविका कृष्णमायाँ कुमाल तृतीय भएकी छिन् । अहिले एक सय मिटर छात्रा÷छात्र रिले दौड प्रतियोगिता सन्चालन भईरहेको छ ।