यु–१९ विश्वकप क्रिकेट : पाँचौं स्थानको लागि आज नेपाल पाकिस्तानसँग खेल्ने

२६ माघ, काठमाडौं – बंगलादेशमा चलिरहेको १९ वर्षमुनिको विश्वकप क्रिकेट अन्तर्गत पाँचौं स्थानको प्लेअफ सेमिफाइनलमा नेपालले मंगलबार पाकिस्तानसँग खेल्दैछ ।

नेपाल र पाकिस्तानबिचको खेल फतुल्लाहको खान शाहेब ओमान अली रंगशालमा नेपाली समय अनुसार पौने ९ बजे सुरु हुनेछ । विश्वकपको सेमिफाइनलमा समिकरण पूरा भएपछि अन्तराष्ट्रिय क्रिकेट परिषद आइसिसीले सार्वजनिक गरेको पाँचौं स्थानका लागि प्लेअफ सेमिफाइनको ड्र सार्वजनिक गरेको हो ।

प्लेअफ सेमिफाइलनमा नेपालले पाकिस्तान तथा नमिबियाले इंग्ल्याण्डसँग खेल्ने छ । सेमिफाइनलमा विजेता दुई टोलीले पाँचौं स्थानका लागि खेल्ने छन् । पराजित हुने टोलीले सातौं र आठौं स्थानका लागि खेल्ने छन् । इंग्ल्याण्ड र नामिबियाबिचको प्लेअफ सेमिफाइनल बुधबार हुनेछ ।