Pabil News२२ माघ, चितवन – पश्चिम चितवनको नारायणी नगरपालिका–११ स्थित कृष्णचोकमा बाघको आक्रमणमा परी एक महिला गम्भीर घाइते भएकी छन् ।
नारायणी नगरपालिकास्थित जगतपुरमा घाँस काट्न जानेक्रममा नजिकै रहेको झाडीबाट एक्कासि बाघ निस्किएर उनलाई आक्रमण गरेको जिल्ला प्रहरी कार्यालयले जानकारी दिएको छ ।
बाघको आक्रमणमा परी गम्भीर घाइते हुनेमा स्थानीयवासी ५८ वर्षीया मिठु विक रहेकी छन् । उनको टाउकोमा चोट लागेकाले अहिले कलेज अफ मेडिकल साइन्स, भरतपुरमा उपचार भइरहेको छ । रासस
About The Author
