बङ्गबन्धु गोल्डकप : उपाधिका लागि नेपालले बहराइनसँग खेल्दै

८ माघ, धादिङ –बङ्गबन्धु गोल्डकप फुटबलको उपाधिका लागि नेपालले आज बहराइनसँग खेल्दैछ । खेल बेलुकी पौने ५ बजे बंगलादेशको ढाकामा रहेको बङ्गबन्धु रंगशालामा हुनेछ ।

सेमिफाइनलमा बलियो मानिएको माल्दिभ्सलाई ४ – १ ले हराएको नेपालले त्यसैअनुसार सुदृढ प्रदर्शन गर्न तयार रहेको प्रशिक्षक बालगोपाल महर्जनले बताएका छन् ।

झण्डै १७ वर्षको अन्तरालमा अन्तर्राष्ट्रिय स्पर्धामा नेपाल पहिलो पटक फाइनलमा पुगेको हो । यसअघि नेपालले सन् १९९९ मा दक्षिण एसियाली खेलकुद प्रतियोगितामा फाइनल खेल खेलेको थियो । त्यस प्रतियोगिताको सेमिफाइनल खेलमा नेपालले माल्दिभ्सलाई ४–१ गोलअन्तरले पराजित गर्दै फाइनल चरणमा आफ्नो यात्रा सुनिश्चित गरेको हो । यस अवधिसम्म करिब १२ खेल खेलेको नेपालले कुनै पनि खेलमा जित हासिल गर्न सकेको थिएन ।