Pabil News
५ माघ, धादिङ – बंगलादेशलाई हराउदै बहराइन बंगबन्धु गोल्डकप फुटबलको फाइनलमा प्रवेश गरेको छ ।
सोमबार भएको खेलमा आयोजक बंगलादेशलाई १–० ले हराएर बहराइन फाइनलमा प्रवेश गरेको हो । बहराइनको जितमा ४४ औं मिनेटमा इब्राहिम एल्होटीले गरेको गोल नै निर्णायक बन्यो ।
आठ टिम सहभागी प्रतियोगितमा समूह ए को विजेताको रुपमा अन्तिम चारमा स्थान बनाएको आयोजक बंगलादेश समूह बि को उपविजेतासँग भएको सेमिफाइनलमा हारेको हो ।
बहराइनको २३ वर्षमुनिको टिमले उपाधिका लागि मंगलबार हुने नेपाल र माल्दिभ्सबिचको खेलको विजेतासँग खेल्ने छ ।
About The Author
