उत्कृष्ट लोकेशन र छायांकनमा ‘फूलै फूलको मौसम तिमीलाई’

धादिङ – चलचित्रका गीतसंगीत मात्र होइन भिडियोलाई पनि उत्कृष्ट बनाउन निर्माता(निर्देशक अग्रसर देखिएका छन् । नेपाली चलचित्रको बजार विस्तार भैरहेको समयमा चलचित्र बनाउनेहरु पनि सजग देखिएका छन् ।

चलचित्र मेकिङ र मार्केटिङमा निर्देशक तथा निर्माता दिनेश डीसी अगाडि छन् । उनले पहिलो पटक निर्माणमा हात हालेको चलचित्र ‘फूलै फूलको मौसम तिमीलाई’ फागुन २१ गतेबाट प्रदर्शनमा आउँदैछ ।

यो चलचित्रको शिर्ष गीत सार्वजनिक भएको छ । राजेशपायल राइको स्वरमा समावेश यो चलचित्रको भिडियोलाई डीसीले उत्कृष्ट बनाउन कुनै कञ्जुस्याँई गरेका छैनन् ।

नीता ढुंगाना र आमेष भण्डारीलाई फिचरिङ गरिएको गीतको लोकेशन, खिचाई उत्कृष्ट छ । सुरेश अधिकारीको संगीत र राजेशपायल राइको स्वरले गीतलाई उत्कृष्ट बनाएको छ ।