मेसीले जिते ग्लोब स्कोर अवार्ड

१३ पुस, काठमाडौं

१३ पुस, काठमाडौं – लियोनल मेसीले ग्लोब स्कोर अवार्ड जितेका छन् । स्पेनिस क्लब बार्सिलोनाका स्टार मेसीले दुबईमा सन् २०१५ को सर्वोत्कृष्ट खेलाडीको अवार्ड हात परेका हुन् ।

ग्लोबल अवार्ड हात पार्न मेसीले रियल मड्रिका स्टार क्रिष्टियानो रोनाल्डो र युभेन्ट्सका गोल रक्षक बुफेनलाई पछि परेका हुन् । अघिल्लो वर्ष उत्कृष्ट खेलाडीको उपाधि हात पारेका रोनाल्डो दोस्रो र बुफेन तेस्रो भए ।

उत्कृष्ट खेलाडीको अवार्ड हात पर्दै मेसीले भनेका छन्–उत्कृष्ट खेलाडीको अवार्ड पाएकोमा अवश्यक पनि खुसी छु । अवार्ड जित्न पाउँदा सधै खुसी नै लाग्छ ।

मेसीले आफ्नो स्पेनिस क्लवका खेलाडीको पनि प्रशंसा गर्न भ्याए । मेसीले भने,‘अवार्ड जित्नुमा मेरोमात्र हात छैन । यसमा टिमका सबै खेलाडीको हात छ ।’

यसैगरी वर्षको उत्कृष्ट क्लब घोषणा भएको बार्सिलोनाकै अध्यक्ष जोसेप मारिया वर्षको उत्कृष्ट अध्यक्ष घोषित भएका छन् । बेल्जियमका कोच मार्क विल्टोस वर्षको उत्कृष्ट कोच घोषित भए ।
प्लेयर करिअर अवार्ड भने न्यूयोर्क सिटीका फ्राङ्क लाम्पार्ड र आर्दे पिर्लोले हात परे ।