छब्बीस वर्ष पुग्दा वर्ल्ड टुर को योजना

एजेन्सी – छब्बीस वर्ष पुग्दै गर्दा ग्लोबल सुपरस्टारका रूपमा ख्याति कमाइन् टेलर स्विफ्टले। सानै उमेरमा संसारभर प्रसिद्ध बन्ने सेलिब्रेटीको रूपमा इतिहासमा उनको नाम समावेश छ।

अमेरिकाको पेन्सिलभेनिया राज्यमा २६ वर्षपहिला जन्मिएकी स्विफ्ट एक सफल गायिका तथा मोडल हुन् जसले एघारवटा अमेरिकन म्युजिक अवार्ड, सातवटा ग्रामी अवार्ड, ६ वटा कन्ट्री म्युजिक एसोसिएसन अवार्ड पाइसकेकी छन्। आइतबारमात्रै २६ वर्षमा प्रवेश गरेकी स्विफ्टलाई धेरै सेलिब्रेटीले शुभकामना पठाएका थिए। उनले अब वर्ल्ड टुरु गर्ने योजना बनाएकी छन्।

‘लभस्टोरी’ उनको पहिलो गीत तथा म्युजिक भिडियो हो। उनको सर्वाधिक सफल तथा उनलाई म्युजिकल इन्ड्रस्टीमा यसैले स्थापित पनि गरायो । उनले यो गीत सन् २००८ मा ल्याएकी थिइन्।

उनी एमटीभी भिडियो म्युजिक अवार्ड जित्ने पहिलो सेलिबे्रटी हुन्। उनको यु विलंग विथ मीु नामको भिडियोले सन् २००९ मा बेस्ट फिमेल भिडियो अवार्ड पाएको थियो। उनी आफ्नो एल्बम रिलिज भएको एक सातामा एक मिलियन कमाउने पहिलो सेलिब्रेटी पनि हुन्। स्विफ्टका स्पिक नाउु, रेड, १९८९ फियरलेस जस्ता एल्बम रिलिज भएका छन्।

स्विफ्ट जन्मदिन मनाउने क्रममा न्युयोर्कमा साइकल चलाएर साथीहरूका साथ बाहिर निस्किएको देखिएकी छन्।लेखनमा विशेष रुचि र दख्खल भएकी गायिका तथा नायिका टेलर स्विफ्ट आफ्नो एल्बममा प्रायः आफैं गीत लेख्ने गर्छिन्।

टिनएजमै विश्वभर चर्चित बन्न पुगेकी टेलरको गायन, रचना तथा लेखन मुख्य रोजाइका विषय हुन्। उनले पछि गएर आफ्नो अटो बायोग्राफी लेख्ने बताएकी छन्। १२ वर्षको उमेरमा तीन सय ५० पेज लामो उपन्यास लेखेकी टेलरले प्रकाशित भने गराएकी छैनन्।

ब्रिट्नी स्पेयर्स र सानिया ट्विनबाट प्रभावित टेलर हलिउडको सम्मानित अवार्ड ग्रामीमार्फत सातवटा अवार्ड हात पार्नसमेत सफल भइसकेकी छन्। साथै ११ वटा अमेरिकन म्युजिक अवार्ड, ६ वटा कन्ट्री म्युजिक एसोसिएसन अवार्डलगायत दर्जनौं अन्य अवार्ड हात पारिसकेकी छन्।