पौषको दोस्रो सातादेखि दिव्यदर्शन टेलिभिजनमा ‘ल्याङ ल्याङ’

२७ मंङसिर,धादिङ–पौषको दोश्रो सातादेखी प्रशारणमा आउन लागेको टेलिचलचित्र ल्याङ ल्याङ गीतको अडियो शनिवार विमोचन गरिएको छ ।

धादिङ नाट्य समुहका अध्यक्ष विरेन्द्र अधिकारीले एक कार्यक्रमका विच गीत बजाएर विमोचन गरेका छन् । “प्रतिभाको खोजी कलाको सम्मान, समाज रुपान्तरण हाम्रो अभियान” भन्ने मुल नाराका साथ स्थापना भएको धादिङ नाट्य समुहले निर्माण गर्न लागेको टेलिचलचित्र ल्याङ ल्याङको शिर्ष गीतको शब्द रचना प्रदिप कोईरालाले गरेका हुन् भने संगीत र आवज लालकाजी श्रेष्ठको रहेको छ । टेलिचलचित्र ल्याङ ल्याङ जिल्लाको एक मात्र टेलिभिजन दिव्यदर्शन टेलिभिजनबाट पौषको दोश्रो सातादेखी नै दर्शकहरुले हेर्न पाउने अध्यक्ष विरेन्द्र अधिकारीले बताए । साथै उनले सिरियल हेरिसकेपछि सल्लाहा सुझाव र प्रतिक्रियाको लागी धादिङवासी दर्शकहरु सँग आग्रह गरेका छन् ।

समसामयिक विषयलाई समेटेर हाँस्य र व्याङ्गत्मक तवरबाट पर्दामा उतार्ने मुख्य उद्देश्य रहेको टेलिचलचित्रका व्यवस्थापक गोपाल रिजालले बताए । जिल्लाका विभिन्न गाविसहरुमा जनचेतनामुलक सडक नाटक लगायत समाजलाई सुसुचित पार्ने कार्यहरुलाई पनि आगामी दिनहरुमा शसक्त बनाएर लैजाले धादिङ नाट्य समुहका सचिव सुदिप अर्यालले जानकारी दिए ।